۱۳۸۷ خرداد ۱۴, سه‌شنبه

پلیسین تعقیبی نتیجه سینده بیر آذربایجانلی حرکاتچی هلاک اولوب

آزاد تبریز-VOA ایران قازئته چیلر بیرلییی نین یایدیغی معلوماتا گوره خردادین 9-دا تبریز- سنتو شهرلر آراسی جاده نین اوزه رینده آذربایجان ملی حرکاتینین فعال لاریندان اولان قادر صدیقی نین اداره ائتدییی موتور سیکلت او و داها ایکی دوستونو تعقیب ائدن ایران پلیس ماشینی طرفیندن قضایا اوغرادیلیب. ایران قازئته چیلر بیرلییی نین عضولریندن اولان خانیم شهناز غلامی نین یایدیغی معلوماتا گوره قادر صدیقی و اونون ایکی دوستو موتور سیکلت له تبریز- سنتو جاده سی اوزه رینده حرکت ائدرکن ایران پلیس ماشین لاریندان بیری اونلاری تعقیب ائتمه یه باشلاییب. اتومبیلین یوکسک سرعت له اوزه رینه سورولمه سی نتیجه سینده قادر صدیقی نین موتورو یولون قیراغینداکی بتون جدوله چیرپیلیب. قادر صدیقی اوراداجا حیاتینی ایتیریب. داها ایکی فعال ایسه یارالاناراق خسته خانایا آپاریلیب. یو تیوب دا یاییلان ویدئو گورونتو ده ایسه حادثه نین شاهدلری پلیس مامورلارینین حادثه یئریندن قاچدیغینی بیلدیریرلر. آذرنیوز وب سایتیندا و باشقا بیر سیرا آذربایجان سایت لاریندا بو کیمی قتل لرین قاباقجاندان پلانلاشدیریلمیش شکیلده و آذربایجان مدنی حرکاتینی دایاندیرماق مقصدی حیاتا کئچیریلدییی بیلدیریلیر.

هیچ نظری موجود نیست: