آزاد تبریز- دونن آخشام رضا همراز بهی ایله تئلفوندا دانیشیردیق، دئییردی دوکتور صدیق ده بورادادیر، ایستیردیک ساعات بئشده گئده ک جناب سردارینیانین گؤروشونه، ائله بیل خستهخانادا آنالیزه گئدهجک ایدی. گؤروشوموز اولمادی.
همراز بهی ایله ساغ اوللاشیب، گلیب یوخلادیم. صمدسردارینیایا فیکیرلشیردیم.
یوخودان دوردوم یئنه ده سردارینیا بئینیمده دولانیردی. بیلگی سایاری آچدیم و…
اؤز اؤزومه دئدیم: خبر ده بو قدر آجی؟!
همیشه بئله واختلار، تئز دوکتور صدیقه زنگ آچارام، آغزیمی آچمامیش دئیر: آقای بیات آللاه رحمت ائلهسین.
ایندی گئجه یاریدان کئچمیش، کیمه زنگ آچماق اولار کی؟
خبرین آجیسی تؤکولور ایچریمه…
بیلمیرم کیمین باشی ساغ اولسون، اساسن بیلگینلرینین قدرینی بیلمهین توپلومون باشی ساغ اولا بیلرمی؟
هاچان سردارینیالارا قورولتای توتدوق کی؟ هانسینا بیر اؤزل سایی نشر ائتدیک کی؟ اؤلندن سونرا ایمیل قوروپلارینی دولدوروروق: آذربایجان باشین ساغ اولسون.
بو جومله هر بیر یاماندان یامانراقدیر منجه
هیچ نظری موجود نیست:
ارسال یک نظر