سه‌شنبه ۱۴ خرداد ۱۳۸۷ ه‍.ش.

هارای هارای من تورکم” ابدیله شه بیلر، تبریز سسی

آزاد تبریز- ایران تورک حرکاتینین 15 یاشی اولسادا 1385- نجی ایل خرداد آیینین حرکاتی تورکچولوگون بیرینجی کوتلوی گوستریشی ساییلابیلر. آرتیق خرداد، تورک حرکاتینا و اوزللیکله آذربایجان تورپاقلاریندا باش وئرن اولایلارا، سوسیال باخیمدان بیر باشلانغیج نقطه سی دیر. سیاسال گوجوموزن یوخلوق زامانی بو سوسیال حرکته سیاسال باخیش بیزیم تورک پروژه سی ایچین یازابیله جک پروگرامیمیزی تام دگیشدیره بیلر.

ائله او زامان بعضلری خالقی خیاوانلاردا دوام ائتمگه چاغیریردیلار. اما گئرچکده سونوندا بیر شهر لاپ چوخو ایکی کز گوستریه چیخابیلدی. اوچونجو تظاهراتا هئچ شهرده گوج یوخودو و حوکومت ده نئجه خالقین اونونه چیخابیله جگینی یاخچیجاسینا بیلیردی. سونرا دا مهر و اسفند میتینگلرینه هئچ یئرده قورولما اجازه سی وئریلمه دی و حوکومت ییغینجاق قورولوب قورولمامیش اونون پوزماسینی باجاردی.(البته او حرکتلر هامیسی خرداد حرکاتینن آردیندا اولدو و لازیم ایدی. مهر و اسفند، بوتون پتانسیلمیزین آزاد ائتمه سینه چالیشدی و خردادی ایلین سونونا دک جانلی و یارادیجی ساخلادی.) آرتیریلمالی دیر، بو مهر و اسفند ییغینجاقلاریندا خرداد و گوستریلرینین یوزده بیر قاتیلیمی اولمادی و چوخ دا خالقی گئنیش سویه ده ماراقلاندیرمادی. تورکچولر کنترل آلتیندا ترپشه بیلمه ییرلر و کوتله هله بئله بیر آدلار و یوللار ایله خیاوانا گلمه ییر.

خرداد حرکاتی 15 ایل تورکچولوگون سونوجو ایدی. ایکینجی حرکت یئنه ایللر چالیشما و تبلیغه باغلی دیر. بونون اوچون خرداد گوستریلرینین تکراری هر یئرده لازیم و اولوملو دگیل. یالنیز خالق او آنلاری اونوتمامالی دیر. اونملیسی بو حرکتی بئیینلرده و جانلاردا دیری ساخلاماق دیر. هله بو حرکتین ندنلری و اولومونون نئجه لیگی دوغرو – دوزگون آراشدیریلماییب. خرداد دا تورکچولوک دوشونجه سی بیرینجی یول اولاراق خالقین تظاهراتلاردا کی شعارلارینین تمل ایدی.

خرداد ایران تاریخینده، مین ایل تورک سولطانلاری حاکیم اولسالار دا بیرینجی تورکچولوک گوستریسی ایدی. آراشدیرمالی بو اولایدی! بو اولایین تمل گوتورولمه سی، ایستر – ایستمز خالق ایله تورکچولوک دوشونجه سینی بیر – بیرلرینه باغلایاجاق و “هارای هارای من تورکم” شعارینی خالقین ابدی میللی مانیفیست و سوزونه دونده ره جکک.

سونوندا : نه قدر بو حرکت و اولای آرتیق تانیتدیریلسا او قدر ده جانلی و دیری قالاجاق. یوخسا یالنیز بیر آد کیمی گئچمیشده کی سوزلره اساس گوتورولمه سی ایندیدن اونون اونودولماسی حوکمونده دیر. آذربایجان خیاوانلاری تورکونکو دور؛ ایکینجی گوستری باشلاندیغی زامان اونو دوام ائتدیرمگه گوجوموز اولمالی دیر. بیر مدنی حرکتین بوندان باشقا یولو یوخودور.

هیچ نظری موجود نیست: