اویرنجی نیوز: “اورمو آذربایجان سسی” ائتلافی نین دعوتی ایله مافی خیاوانیندا کئچیریلمه سی گوزله نن مراسیم اطلاعات گوجلری طرفینده ن قدغن ائدیلدیکده ن سونرا، 2000 نفر اورمولو اعتراض متینگی کئچیره ره ک “هارای هارای من تورکم” و “یاشاسین آذربایجان” شعارلاری سسلندیردلر. مراسیم ده اونجه ده ن بللی اولدوغو کیمی آذربایجان آشیقلاری و شاعر هوشنگ جعفری نین اشتراکی ایله “اورمو آذربایجان سسی” ائتلافی نین مجلس سئچیملرینه عاید تبلیغاتی مراسیمی کئچیریلمه سی نظرده توتولموشدور. مراسیم ده میلی ماهنی لار و شعرلر اوخونماسی و چوخلو ازدحام دان قورخان گوونلیک گوجلری مراسیمین کئچیریلمه سینه قاداغا قویموشلار. آنجاق مراسیمین اذنی نین قالدیریلماسی خبرینی ائشیده ن گنج لر، اویرنجی لر و عموم میلت مافی خیاوانیندا بویوک بیر متینگ گئچیردیلر. متینگ مافی خیاوانی و ” اورمو آذربایجان سسی” ستادی اونونده گئجه ساعات 10:30 کیمی دوام ائتدی و سونرا مامورلارین و پلیسین دخالتی ایله سونا چاتدی
هیچ نظری موجود نیست:
ارسال یک نظر