آذوح: الده ائدیلن سون خبرلر اساسیندا اردبیل شهرینده توتوقلو اولان اردبیلین آزاد بیلیم یوردونون اؤیرنجیسی و ائله همان بیلیم یوردونون اسلامی انجمنی نین قائم مقامی اولان اردشیر کریمی خیاوی عاییله سی ایله تئلئفون واسیطه سی ایله علاقه قوروبدور . اردشیر کریمی خیاوی بو تماس دا کئچن هفته شنبه 87.1.31 گونو اردبیل زیندانینا آپاریلدیغینی بیلدیررکن وضعیتینین یاخشی اولدوغونو بیلدیریبدیر .
اوستو اؤرتولو شکیلده دانیشان توتساق اؤیرنجی بیر آیا کیمی زینداندا ساخلاناجاغینی بیلدیریب و اطلاعات حبس خاناسیندا اولدوغو زامان روحی و فیزیکی شکنجه لره معروض قالدیغینی سؤیله ییب . جناب کریمی نین دئدیکلرینه گؤره آدی اردبیلده محبوس اولانلارین آراسیندا گئدن < مهدی کیانی > توتوقلاندیغی گون آزادلیغا بوراخیلیبدیر . قالان توتولانلار ایسه هله ده ساخلانیلیرلار .
اردبیلدن گلن باشقا بیر خبرده ایسه اردشیر کریمی نین اؤیرنجی دوستلاری طرفیندن اونون آزادلیغی اوچون چالیشمالارین باشلادیغی بیلدیریلیر . ائله کی اردبیلین آزاد بیلیم یوردونون بیر دسته اؤیرنجی سی بیلیم یوردو رئیسینه موراجعت ائدیب توتوقلو اؤیرجی یولاداشلارینین درحال بوراخیلمادیقلاری تقدیرده تحصن آکسیاسی باشلاداجاقلارینی اعلان ائدیب
هیچ نظری موجود نیست:
ارسال یک نظر